Is’hoqxon Ibrat nomidagi Namangan davlat chet tillari institutida “Biz bir mamlakatda yashayotgan yagona xalqmiz” mavzusida davra suhbati o‘tkazildi...
Institutda rektor maslahatchisi A.Shokirov boshchiligida o‘tkazilgan ilmiy-ma’rifiy davra suhbatida O‘zbekistonning hozirgi islohotlari, yoshlarni sog‘lom tarbiyalash, mafkuraviy tahdidlarga qarshi kurash hamda diniy ekstremizmning oldini olish masalalari muhokama qilindi. Tadbirda 200 nafar professor-o‘qituvchilar va talabalar ishtirok etdi.
Uchrashuvda quyidagi mutaxassislar ma’ruzalar bilan qatnashdilar:
- A.Abduvaxidov – Imom at-Termiziy nomidagi xalqaro ilmiy tadqiqot markazi xodimi;
- I.Soliyev – Namangan viloyati hokimligi huzuridagi ijtimoiy sog‘lomlashtirish komissiyasi a’zosi, falsafa fanlari doktori;
- N.Oribjonov – Din ishlari bo‘yicha qo‘mitaning Davlatobod tumani bo‘yicha bosh mutaxassisi.
Tadbir davomida bir qator vazifalar belgilab olindi:
Yoshlar ma’naviy immunitetini mustahkamlash bo‘yicha seminarlar va ogohlantiruvchi darslarni tizimli yo‘lga qo‘yish;
Har oy islohotlarga bag‘ishlangan ma’ruzalar tashkil etish, talabalarni kasb egallash va raqamli ko‘nikmalarga yo‘naltirish;
Millatlararo totuvlik va xavfsizlik bo‘yicha profilaktik ishlarni kuchaytirish;
Talabalar bilan ishlash jarayonida tyutorlar va dekan o‘rinbosarlari tomonidan muntazam monitoring olib borish.
Tadbir yoshlar ongida milliy birlik, totuvlik va kelajak oldidagi mas’uliyatni yanada mustahkamlashga xizmat qildi!
