Namangan davlat
Is’hoqxon Ibrat nomidagi Namangan davlat chet tillari institutida talabalarning intellektual salohiyatini rivojlantirishga qaratilgan navbatdagi ochiq seminar mashg‘uloti tashkil etildi.
Gumanitar fanlar va jismoniy tarbiya kafedrasi o‘qituvchisi Badalov Avazbek tomonidan XTA-BU-25 guruhi talabalari uchun “Umumiy psixologiya” fanidan “Qobiliyat va iqtidor” mavzusida o‘tkazilgan mazkur mashg‘ulot zamonaviy pedagogik yondashuvlar asosida tashkil etildi.
Mashg‘ulot davomida qobiliyat va iqtidor tushunchalarining ilmiy-psixologik mohiyati, ularning shakllanish omillari hamda shaxs rivojidagi o‘rni atroflicha tahlil qilindi. Talabalarda tanqidiy fikrlash, mustaqil tahlil qilish va pedagogik refleksiya ko‘nikmalarini shakllantirishga alohida e’tibor qaratildi.