Is’hoqxon Ibrat nomidagi Namangan davlat chet tillari institutining O‘zbek va sharq tillari kafedrasida fors xalqi madaniy merosiga bag‘ishlangan “Shabe Yaldo — zulmat ustidan nur g‘alabasi” mavzusida ochiq dars tashkil etildi. Mazkur mashg‘ulot 3-bosqich PER-AU-23 guruhi talabalari hamda stajyor-o‘qituvchi Z. Yandashev tashabbusi bilan yuqori tashkiliy va mazmuniy saviyada o‘tkazildi.
Ochiq dars davomida Yaldo kechasining tarixiy-falsafiy mazmuni, ramziy belgilar tizimi va madaniy qatlamlari izchil yoritildi. Talabalar tomonidan milliy liboslarda bezatilgan dasturxon sharqona tafakkur va an’analarning mujassam ifodasiga aylandi. Dasturxonda namoyish etilgan tarvuz, anor, xurmo va quruq mevalarning har biri quyosh, baraka va hayotiy quvvat timsoli sifatida ilmiy izohlar asosida tushuntirildi.
Mashg‘ulotning asosiy mazmuniy markazida fors adabiyoti namunalari turdi. Talabalar tomonidan Hofiz Sheroziy ijodidan o‘qilgan g‘azallar matn tahlili va badiiy-estetik sharhlar bilan boyitildi. Dars yakunida Hofiz Sheroziy devoni asosida sahnalashtirilgan an’anaviy “fol ochish” marosimi Yaldo kechasining madaniy konsepsiyasini yanada to‘liq ochib berdi.
ingliz tili va adabiyoti kafedrasi dotsenti M.Qoraboyev, O‘zbek va sharq tillari kafedrasi mudiri U.Abdurasulova hamda professor-o‘qituvchilar kuzatib bordilar. Tadbir yakunida talabalar tomonidan namoyish etilgan til kompetensiyasi, mavzuga yondashuvdagi aniqlik va madaniy tafakkur darajasi ijobiy baholandi.
Yaldo — eng uzun tun timsoli orqali yorug‘lik va yangilanish g‘oyasini ifodalovchi qadimiy an’ana. Ushbu ochiq dars talabalarning xorijiy tilni o‘zlashtirish bilan birga, uning ortida turgan madaniy va falsafiy qatlamni anglashiga xizmat qiluvchi samarali pedagogik tajriba bo‘ldi.
