GUMANITAR FANLAR VA JISMONIY TARBIYA KAFEDRASI
Kafedra haqida
Gumanitar fanlar va jismoniy tarbiya kafedrasi Is’hoqxon Ibrat nomidagi Namangan davlat chet tillari institutining tarkibiy bo‘linmalaridan biri hisoblanadi. Kafedra ta’lim jarayonini samarali tashkil etish, talabalarning kasbiy bilim va ko‘nikmalarini rivojlantirish, ilmiy-tadqiqot faoliyatini takomillashtirish hamda yoshlarning ma’naviy va jismoniy kamolotini ta’minlashga xizmat qiladi.
Hozirgi kunda kafedrada Tarix, Iqtisodiyot hamda Turizm va mehmondo‘stlik ta’lim yo‘nalishlari bo‘yicha o‘quv jarayonini tashkil etishga alohida e’tibor qaratilmoqda. Ushbu yo‘nalishlar doirasida talabalarning nazariy bilimlarini mustahkamlash, amaliy ko‘nikmalarini rivojlantirish va zamonaviy mehnat bozori talablariga mos mutaxassislar tayyorlash ustuvor vazifalardan hisoblanadi.
Kafedra professor-o‘qituvchilari ta’lim jarayonida zamonaviy pedagogik texnologiyalar, interfaol metodlar va axborot-kommunikatsiya vositalaridan foydalanib, ta’lim sifatini oshirishga intiladilar.
Ta’lim yo‘nalishlari
- Tarix — Tarixiy jarayonlar, davlatlar va xalqlar taraqqiyoti, milliy va umuminsoniy meros, tarixiy xotira hamda manbalarni o‘rganishga yo‘naltirilgan.
- Iqtisodiyot — Iqtisodiy jarayonlar, bozor munosabatlari, iqtisodiy tahlil, tadbirkorlik va zamonaviy iqtisodiy rivojlanish masalalari bo‘yicha bilim hamda ko‘nikmalarni shakllantirishga xizmat qiladi.
- Turizm va mehmondo‘stlik — Turizm sohasi, mehmonxona xo‘jaligi, xizmat ko‘rsatish, turistik faoliyatni tashkil etish va mehmondo‘stlik industriyasi bo‘yicha zamonaviy bilimlarni egallashga yo‘naltirilgan.
Ilmiy-tadqiqot va hamkorlik faoliyati
Kafedrada ilmiy-tadqiqot ishlarini rivojlantirish, ilmiy maqolalar va o‘quv-uslubiy materiallar tayyorlash, talabalarni ilmiy izlanishlarga jalb etish hamda ilmiy-amaliy anjumanlarda ishtirokini kengaytirishga alohida e’tibor beriladi.
Shuningdek, respublika va xorijiy oliy ta’lim muassasalari, ilmiy-tadqiqot tashkilotlari hamda tegishli soha vakillari bilan hamkorlikni rivojlantirish, tajriba almashish va qo‘shma ilmiy-ma’rifiy tadbirlarni tashkil etish kafedra faoliyatining muhim yo‘nalishlaridan hisoblanadi.
Tarixiy xotirani asrash va Ikkinchi jahon urushi davridagi umumiy tarixiy merosni o‘rganish doirasida Pavlov uyi himoyachilaridan biri Kamoljon Turg‘unovning hayot yo‘li va jasoratini o‘rganishga qaratilgan ilmiy-ma’rifiy ishlar ham olib borilmoqda. Ushbu faoliyat O‘zbekiston va Rossiya xalqlari o‘rtasidagi tarixiy xotira va madaniy muloqotni mustahkamlashga xizmat qiladi.
