Xodim

Bo‘lim boshlig‘i

Sharofiddinov Maxmudjon Mashrabjon o‘g‘li

Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig'i

Phone number :

+998 99 320 94 96

Email address :

sharofiddinov.mahmudjon@mail.ru

Sharofiddinov Maxmudjon Mashrabjon o‘g‘li 1994-yil 5-iyunda Namangan viloyati, To‘raqo‘rg‘on tumanida ziyoli oilasida tug‘ilgan, millati – o‘zbek.

Sharofiddinov Maxmudjon Mashrabjon o‘g‘li 2013-2017-yillarda Namangan davlat universiteti Ijtimoiy-iqtisodiy fakulteti Tarix (mamlakatlar va mintaqalar bo‘yicha) yo‘nalishi bakalavriat yo‘nalishini, 2017-2019-yillarda O‘zbekiston tarixi  magistratura mutaxassisligini tamomlagan.

Umumiy ish staji – 9 yil. Ilmiy pedagogik ish staji-9 yil. Namangan davlat universitetidagi ish staji – 5 yil, Is’hoqxon Ibrat nomidagi Namangan davlat chet tillari institutida ish staji – 4 yil. Egallab turgan lavozimidagi ish staji 2 yil.

Maxmudjon Sharofiddinov 2017-yil 2-sentabrdan To‘raqo‘rg‘on tumanidagi 53-sonli umumiy o‘rta ta’lim maktabida tarix fani o‘qituvchisi lavozimida mehnat faoliyatini boshlagan.

2018-yil 3-sentabrdan Namangan davlat universiteti Tarix kafedrasida o‘rindoshlik asosida o‘qituvchi-stajyor;

2019-yil 4-sentabrdan Namangan davlat universiteti Yoshlar bilan ishlash, ma’naviyat va ma’rifat bo‘limi uslubchisi;

2019-yil 3-sentabrdan Namangan davlat universiteti Tarix kafedrasida o‘rindoshlik asosida o‘qituvchi-stajyor;

2022-yil 5-yanvardan Namangan davlat universiteti Arxeologiya kafedrasi o‘qituvchisi;

2022-yil 6-sentabrdan Is’hoqxon Ibrat nomidagi Namangan davlat chet tillari instituti Tillar va ijtimoiy-gumanitar fanlar kafedrasi o‘qituvchisi;

2023-yil 4-sentabrdan Sharq tillari, gumanitar fanlar va jismoniy tarbiya  kafedrasi o‘qituvchisi;

2024-yil 1-fevraldan Sharq tillari, gumanitar fanlar va jismoniy tarbiya  kafedrasi katta o‘qituvchisi;

2024-yil 1-fevraldan Sharq tillari, gumanitar fanlar va jismoniy tarbiya  kafedrasi katta o‘qituvchisi;

2025-yil 13-iyundan Gumanitar fanlar va jismoniy tarbiya  kafedrasi dotsenti;

2024-yil 1-apreldan Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i lavozimida faoliyat olib bormoqda.  

M.Sharofiddinov jami 55 ta maqola va tezislar nashr ettirgan, shulardan 5 ta OAK e’tirof etgan mahalliy va xorijiy jurnallarda, 23 ta ilmiy jurnal va to‘plamlarda, 27 ta xalqaro va respublika konferensiyalarida, shuningdek, 20 tadan ortiq publisistik maqolalar chop ettirgan.

M.Sharofiddinov 2 ta monografiya, 2 ta darslik, 1 ta o‘quv qo‘llanma, 4 ta o‘quv-uslubiy qo‘llanma va 1 ta uslubiy ko‘rsatma muallifi.

Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limining asosiy maqsadi

Respublikada ijtimoiy-siyosiy, iqtisodiy, ma’naviy sohalarda olib borilayotgan islohotlarni amalga oshirishda institut ilmiy yo‘nalishlari doirasida rahbar kadrlar tayyorlash, malaka oshirish va qayta tayyorlash asoslarini ishlab chiqish bo‘yicha ilmiy tadqiqotlar olib borishdir.

Bo‘limning asosiy vazifalari

Bo‘limning 4 ta asosiy vazifasi mavjud:

  • institutning ilmiy tadqiqot ishlari rejasini ishlab chiqish va amalga oshirilishini muntazam nazorat qilish;
  • institutda tayanch doktorantura, doktorantura hamda mustaqil izlanuvchilar qabul jarayonini tashkil etish;
  • izlanuvchilarning shaxsiy ish rejalarini tasdiqlash va bajarilishini muntazam nazorat qilib borish;
  • kafedralar tomonidan ilmiy seminarlar, xalqaro va respublika konferensiyalari va simpoziumlar kabi ilmiy tadbirlarni oʻtkazishga koʻmaklashish, ushbu tadbirlar yakunida hosil boʻlgan ilmiy tavsiyalarni keng jamoatchilikka ma’lum qilish.


Shu bilan birga, bo‘lim ushbu vazifalardan kelib chiqqan holda

quyidagi ishlarni amalga oshiradi:

  • kafedralarning ilmiy tadqiqot jarayonlarini faollashtirish, ularning me’yoriy-uslubiy va axborot-resurs ta’minoti sifatini oshirish orqali ilmiy ishlanmalar koʻlamini kengaytirish va iqtisodiy samarasini mustahkamlashga koʻmaklashish;
  • kafedralarda vazirlik, qoʻmita, tashkilot bilan fan, ta’lim va ishlab chiqarish oʻrtasidagi innovatsion hamkorlik doirasida olib borilayotgan ishlarni kengaytirish, ularni muvofiqlashtirish;
  • Oliy ta’lim, fan va innovatsiyalar vazirligi va boshqa tashkilotlar bilan oʻzaro hamkorlik aloqalari oʻrnatilishini tashkil etish, axborotlar almashib turilishini ta’minlash;
  • ilmiy nashrlar bazasini rivojlantirish, ilmiy tadqiqotlarni adabiyotlar, statistik ma’lumotlar bilan ta’minlashning barqaror tizimini shakllantirib borish;
  • institut professor-oʻqituvchilarining shaxsiy ish rejasida belgilangan ilmiy tadqiqot ishlari rejasi bajarilishini nazorat qilib borish va monitoringini yuritish;
  • institutning oʻquv va ilmiy faoliyatida tadqiqotchilarning dissertatsiya ishlaridagi ilmiy yangiliklar joriy qilinishini ta’minlash, natijalardan foydalanilganligi toʻgʻrisidagi ma’lumotnomalarni olishda koʻmaklashish;
  • eng yaxshi ilmiy tadqiqot ishlari uchun moddiy va ma’naviy ragʻbatlantirish tizimini ishlab chiqish va joriy etish, maxsus mukofotlarni ta’sis etish;
  • izlanuvchilarning malakaviy hamda qoʻshimcha imtihonlarini tashkil etish;
  • institutning ilmiy darajali professor-oʻqituvchilarga oid boshqa vazifalarni bajarish.