Xodim

Bo‘lim boshlig‘i

Soliyev Umidjon Yulchivoyevich

O‘quv-uslubiy boshqarma boshlig'i

Phone number :

+998 94 216 84 24

Email address :

umidjon.soliyev.83@inbox.ru

         Soliyev Umidjon Yulchivoyevich 1983-yil 16-oktabrda Namangan viloyati Chust tumanida ishchi oilasida tavallud topgan. Millati o‘zbek.

1991-2001 yillarda Chust tumanidagi 39-umumiy o‘rta ta’lim maktabida tahsil olgan.

2006-yilda Toshkent viloyat davlat pedagogika institutini  5141400-Ingliz tili taʻlim yoʻnalishi boʻyicha bakalavriat bosqichini tamomlagan.

2008-yilda Toshkent viloyat davlat pedagogika institutini  5A 141401-Ingliz tili boʻyicha magistratura mutaxassisligini tamomlagan.

Mehnat faoliyati.   2008-2014 yillarda Toshkent viloyat davlat pedagogika instituti: “Ingliz tili va adabiyoti” kafedrasi o‘qituvchisi sifatida,

            2014-2015 yillarda Toshkent viloyatidagi Angren avtomatika va servis kasb-hunar kolleji ingliz tili o‘qituvchisi sifatida,

            2015-2016 yillarda Namangan davlat universiteti “Ingliz tili va adabiyoti” kafedrasi o‘qituvchisi sifatida,

            2016-2022 yillarda Namangan davlat universiteti Ingliz filologiyasi fakulteti dekan o‘rinbosari sifatida,

            2022-2023 yillarda Namangan davlat chet tillari instituti “Ingliz tili va adabiyoti” kafedrasi katta o‘qituvchisi sifatida,

            2023-yilda 2024 yil yanvar oyiga qadar Namangan davlat chet tillari instituti, Jahon tillari fakulteti dekani sifatida,

            2024 yil yanvar-2024-yil oktabr oyiga qadar Namangan davlat chet tillari instituti, Jahon tillari fakulteti dekan o‘rinbosari sifatida,

            2024-yil 4-oktabrdan 2025-yil 3-sentabrga qadar Namangan davlat chet tillari instituti, Til va tarjima fakulteti dekan o‘rinbosari lavozimida;

2025-yil 4-sentabrdan hozirga qadar  Namangan davlat chet tillari instituti, O’quv-uslubiy boshqarma boshlig’i lavozimida faoliyat ko‘rsatib kelmoqda.

Pedagogika fanlari bo‘yicha falsafa doktori (PhD) dissertatsiyasi ishini 2024-yil 19-dekabrda Is’hoqxon Ibrat nomidagi Namangan davlat chet tillari instituti huzuridagi ilmiy darajalar beruvchi PhD.03/05.05.2023.fil.163.01 raqamli ilmiy kengash asosidagi bir martalik ilmiy kengashda “Talabalarning ingliz tilida o‘qish kompetensiyasini rivojlantirish metodikasi (Amaliy matematika yo‘nalishi misolida)” mavzusida 13.00.02 – Taʼlim va tarbiya nazariyasi va metodikasi (ingliz tili) ixtisosligida himoya qilgan.

Umumiy ish staji-23 yil. Ilmiy va pedagogik ish staji-19 yil. Oliy ta’lim tizmidagi ish staji-16 yil.

Soliyev Umidjon Yulchivoyevich 2013-yilda “O‘zbekiston Respublikasi Xalq ta’limi a’lochisi” ko‘krak nishoni bilan mukofatlangan.

2024-yil fevral oyida ITEC dasturi doirasida Hindistonning Bhopal oʻqituvchilarni malakasini oshirish va tadqiqotlar milliy institutida (National Institute of Technical Teacher’s Training and Reaserch) o‘tkazilayotgan “Inkluziv ta'lim bo‘yicha xalqaro hamkorlik” nomli kursda malaka oshirib qaytgan.

Soliyev Umidjon Yulchivoyevich Xorijiy tillardan ingliz, nemis va rus tillarini o‘rgangan. U oilali va 3 nafar farzandning otasi.

 

O‘quv-uslubiy boshqarmaning vazifalari:

  • institutda ta’lim dasturlarini amaldagi kasbiy standartlar, “Oliy ta’limning davlat ta’lim standard. Asosiy qoidalar”, “Oliy ta’limning davlat ta’lim standard. Oliy ta’lim yo‘nalishlari va mutaxassisliklari klassifikatori” (keyingi o‘rinlarda - DTS deb yuritiladi) va ta’lim dasturlari (malaka talabi, o‘quv reja, o‘quv dasturlari, sillabuslar) hamda boshqa me’yoriy-uslubiy hujjatlar asosida amalga oshirishni tashkil etish va boshqarish;
  • institutda o‘quv reja va dasturlami ishlab chiqish, o‘quv jarayoni jadvalini shakllantirish, ta’lim jarayonini tashkil etish, fakultet, kafedra, bo‘lim va markazlarning ta’lim jarayonini muvofiqlashtirish sohasiga oid qonunchilik hujjatlari va idoraviy hujjatlar ijrosini ta’minlash;
  • o‘quv jarayonini rejalashtirish, tashkil etish hamda nazorat qilish, o‘quv jarayoniga ilg‘or pedagogik va innovatsion texnologiyalarni keng jalb qilish;
  • yuqori malakali mutaxassislarni tayyorlash, qayta tayyorlash va malaka oshirishda zamonaviy talablar, ilg‘or xalqaro tajribaga asoslangan, zamonaviy o‘qitish usullarini tatbiq etish;
  • o‘quv jarayoni va o‘quv-uslubiy hujjatlar tayyorlanishida kasbiy standartlar, oliy ta’limning DTS va malaka talablariga rioya etish;
  • nazariy bilimlarni chuqurlashtirishga, amaliy va kasbiy ko‘nikmalar hamda ta’limni rivojlantirishga qaratilgan faoliyatni tashkil etish va tizimli monitoringini amalga oshirish;
  • monitoring natijalari yuzasidan takliflar ishlab chiqish va semestr, yil yakunida institut  Kengashi muhokamasiga olib chiqish;
  • masofaviy va dual ta’lim shakllarida ta’lim oluvchilarning modullarini o‘z vaqtida va sifatli o‘zlashtirishini hamda ishtirokini monitoring qilish;
  • professor-o‘qituvchilarning pedagogik faoliyati hamda o‘qitish sifati va samaradorligini tahlil qilish, baholash hamda ularning kasbiy va pedagogik mahoratlarini yuksaltirishga oid tadbirlarni tashkillashtirish;
  • talabalar bilimini nazorat qilish va baholash faoliyatini muvofiqlashtirish;
  • Registrator ofisi bilan hamkorlikda fakultetlar tomonidan taqdim etilgan ma’lumotlar asosida talabalar kontingentini fakultetlar kesimida jamlash, umumiy hisobini shakllantirish va yuritish;
  • yangi avlod darsliklari va o‘quv qo‘llanmalarini yaratilishi, ularning muntazam yangilab borilishini monitoring qilish va tegishli takliflarni ishlab chiqish;
  • institutda ta’lim dasturlarini amalga oshirishning metodik ta’minotini tahlil etib borish va metodik yordam ko‘rsatish;
  • institut tuzilmalari faoliyatini to‘laqonli amalga oshirish uchun o‘quv jarayoni bilan bog‘liq masalalarda lokal hujjatlarni ishlab chiqish;
  • xalqaro aloqalarga mas’ul bo‘lgan hodimlar bilan birgalikda talabalarning akademik almashinuvini ta’minlash bo‘yicha yetakchi xorijiy oliy ta’lim tashkilotlari, ilmiy-tadqiqot muassasalari, tadqiqot markazlari, xalqaro tashkilotlar bilan hamkorlik qilish bo‘yicha takliflar ishlab chiqish va boshqalar.